Pouco a pouco iremos plantexando preguntas, unhas veces eu, e outras os vosos peques. Os que queiran tratarán de resolvelas. Poden consultar tanto libros como páxinas web, na biblioteca do cole convosco polas tardes, ou na casa. Poden tamén preguntar a algún experto na materia (un avó/a, un irmán, tía, veciño, amigo, ....)
Cando teñan a resposta escribirana nun cuarto de folio (en poucas palabras) que traerán ao cole para pegar no mural correspondente. Teredes que axudarlles a preparar un pequeno discurso para que expliquen (sen ler) a resposta á pregunta plantexada diante dos seus compañeiros/as.
Unha vez teñamos todas as posibles solucións, entre todos, comprobaremos cal é a correcta.
Con el coloboraremos dun xeito máis informal no Proxecto do cole: "BUSCAR, ELABORAR E COMPARTIR", posto que o que vos plantexo é voluntario. Formalmente traballaremos dende a aula pero con outros proxectos.
Aquí vos presento o mural e a primeira gran pregunta (que como comprobaredes, deixa a porta aberta a outras moitas...)
QUE É A MITOLOXÍA?
Tamén vos animo a que contestedes nos comentarios.
No hay comentarios:
Publicar un comentario