Como puidestes comprobar na clase estamos aprendendo poesías, tanto en galego coma en castelán.
Os vosos peques pouco a pouco vannas copiando nos cadernos correspondentes e logo lévanas para casa para lérvolas e para que lle axudedes a memorizalas.
Se cando van os cadernos para casa vedes que a letra non é lexible e que a poden mellorar, anímovos a que lles axudedes a empezar de novo. Na clase non se concentran tan ben como na casa e, se lles botades unha man poden escribir moito mellor. Podedes marcarlle con cor verde a palabra que fixeron con mellor letra, para facer fincapé no que fixeron mellor. Senón non pasa nada, queda como a copiaron na clase.
Sobre a correción con boli verde vos enlazo un artigo que non ten desperdicio. Pero que eu na clase por agora, por mor da cantidade de nenos que hai non vou a empregar; pero anímovos a que o fagades na casa.
http://verne.elpais.com/verne/2015/10/07/articulo/1444231771_661315.html
Tamén podedes ir facendo con eles pequenos traballos de escritura, poden facerse nos cadernos de clase ou en folios, depende de se os levaron ou non. Poden escribir pequenos contos, copiar poesías, etc. Todo virá acompañado de debuxos representativos.
Por se alguén está interesado en ir traballando poesía, por agora aprendimos enteira a seguinte:
UN RATO DÍXOLLE Á LÚA
Un rato díxolle á lúa:
-“Nunca reparas en min,
por iso vivo na rúa
metido nun calcetín.”
Ela fitouno abraiada
déronlle ganas de rir,
daquela apagou a lámpada
e dispúxose a durmir.
Polo desprezo da lúa
o ratiño alporizado
berroulle con moita forza:
-“Xa non estou namorado.”
Antonio
García Teijeiro
E a medio rematar temos a seguinte (marco en negrilla as estrofas que xa aprendimos):
El lagarto está
llorando
|
||
|
||
Federico García Lorca
|
No hay comentarios:
Publicar un comentario