AS INTELIXENCIAS MÚLTIPLES E A CREATIVIDADE

Seguimos a voltas coas explicacións de, como e por que, traballamos no Recuncho de Paula tentando adaptarnos ás necesidades de cada un.
Un dos motivos é a Teoría das intelixencias múltiples preposta por Howard Gadner. Aquí vos deixo un vídeo de Redes onde o propio Gadner explica como debemos adaptar esta teoría área escolar. E niso estamos!

Las inteligencias múltiples

APRENDER A XESTIONAR AS EMOCIÓNS

Aquí vos deixo un programa de Redes onde Eduard Punset entrevista ao precursor da intelixencia emocional, Daniel Goleman.
Así entenderedes mellor porque lle dou tanta importancia e lle adicamos tanto tempo na nosa aula.

Aprender a gestionar las emociones

ASÍ TRABALLAMOS NO RECUNCHO DE PAULA

Benvidas, familias de Canicouva.
Unha vez presentado o curso e logo de ter unha chea de dúbidas sobre o xeito de traballar na nosa clase vos poño uns enlaces onde podedes afondar un pouco máis nestas cuestións.
Pero, se vos apetece unha información máis persoal non dubidedes en contactar comigo. Estarei encantada de contarvos todo o que poida sobre estes temas.
Que teñades un feliz día!

• E agora que facemos?. Recunchos de 3º.
• O médico das emocións. Educación emocional.
• Meditación e aprendizaxe. Redes. Mindfulness.
• A botella da calma. Só respira. Mindfulness. Educación emocional.
• A mesa da paz.  
• Relaxámonos coloreando. Atención. Mindfulness. Arteterapia.
• Descansos activos: O profe do día.
• Que é o mindfulness?. La Voz de Galicia.
• Mind moves. Movementos que activan a mente.
• Tranquilos y atentos como una rana. Mindfulness.
• Mantra do silencio.
• Aromaterapia.
• A importancia da educación emociona. Redes: Aprender a xestionar as emocións.

O MÉDICO DAS EMOCIÓNS

Dende hoxe contamos na aula co médico das emocións. Cada día os dous encargados/as serán os responsables de realizar unha difícil tarefa: "quitar as doenzas emocionais dos 25 incribles monstros".
Para que saibades como funciona vos remito a páxina de onde collimos esta xenial idea (graciñas á autora por compartila).
Refugio de crianza: https://refugiodecrianza.com/2016/02/08/el-botiquin-de-las-emociones/

En clase temos a nosa propia versión. Aquí vos deixo unhas imaxes co noso instrumental médico.

O recuncho do médico das emocións.

Contido do botiquín.

Fonendoscopio para escoitar os problemas do corazón.

Escoitar do cd o exercicio de meditación que o médico considere.

Refuxio para viaxar a un lugar seguro.

Pelota antirabia. Pode cambiarse polo coxín absorbe puños.

Botella da calma.

Caramelos quitapenas.

Tiritas pegabicos.

Vaporizador tranquilizante (contén aceite esencial de lavanda)

Recolle bágoas (e mocos)

Máquina para facer cóxegas.

Venda apertadora

Osiño agasallador de mimos

MEDITACIÓN E APRENDIZAXE

Porque un documental de Redes vale máis que mil explicacións miñas.

Meditación y aprendizaje

E agora vos presentamos o noso Recuncho para meditar.
Encántanos!

A MESA DA PAZ

Hoxe puxemos en funcionamento a nosa mesa da paz.
Calquera que necesite calmarse, logo dunha discusión, disgusto, ou cando os pensamentos desagradables dan voltas polo noso cerebro, poderá acudir a ela.
Alí atopamos a botella da calma. Xa todos e todas saben como empregala, agora que volo expliquen a vós.
Animádevos a facer unha botella da calma para casa.

AROMATERAPIA

· Na nosa aula introducimos nestes días a Aromaterapia. Empregamos aceites esenciais de Lavanda (efecto calmante) e Menta (focaliza e centra a atención). diluídos en auga. Hai moita información sobre a dose, pero na aula, non a empregaremos como terapeutas. 

     Recibimos ao alumnado cunha canción e mentres bailan rociamos as súas cabezas con menta. A lavanda a introducimos cando algúen está nervioso/a e cre que a precisa e, en ocasións, nalgunhas relaxacións. 
Tamén serve como remedio contra as plagas de piollos vaporizando con lavanda as cabezas dos peques cando chegan á clase. Para máis información sobre este aspecto preme aquí.

      Independiente ou non de que funcione, COMO ARRECENDE A NOSA CLASE, a que si?

Para saber máis sobre este tema recoméndovos a páxina web de Yaiyoga onde o explican moito mellor ca min.