Aquí vos deixo unhas reflexións de como nenos e nenas de 8-10 anos están a vivir o confinamento.
Estou moi orgullosa de vós.
Artigo sobre coronavirus- Adrián
En decembro de 2019 en
wuhan apareceu un novo virus, que ata agora non se coñecía. Pode afectar a
todas as persoas, pero hai máis posibilidades de que enfermen os maiores de 60
anos ou máis anos. Este virus chámase coronavirus de wuhan, e a doenza que
produce chámase covid-19, que pode ser leve ou grave como a pneumonía. En España
confirmouse o primeiro caso o 31 de xaneiro do 2020 na illa de la Gomera.
Ante a rápida expansión
do virus, durante o mes de marzo os gobernos autonómicos comezaron a tomar
medidas extraordinarias, ata que o 14 de marzo, o goberno español decretou o
Estado de Alarma. O Estado de Alarma é un estado de excepción, cando hai grave risco
de catástrofe, crise sanitaria ou desabastecemento de produtos de primeira
necesidade, e para iso poderase limitar a circulación e permanencia de persoas
ou vehículos en horas e lugares determinados, requisas de bens, intervir e
ocupar industrias, fábricas e talleres; poderase limitar ou racionar o consumo
de artigos de primeira necesidade.
Eu estou ben, estou un
pouco aburrido pero fun á finca. Pola mañá fago os deberes e despois xogo coa
miña gata. Estivemos alí tres días e despois marchamos. O confinamento pasa moi
lento. Fun á casa do meu pai. Alí sempre lemos unha hora.
Esta é a miña lista:
primeiro fago os deberes, despois xogo un rato e dou un paseo. Non! É broma.
Non podo saír da casa, vexo a tele e se salgo da casa a multa é de 600€.
