Había unha vez un neno e a súa nai que tiñan tanto diñeiro que non sabían que facer con el. Tiñan: unha vaca, galiñas, un porco e moitos máis animais.
Un día a vaca non deu leite e a nai quixo desfacerse dela así que mandou ao seu fillo que a fose a vender. No pobo un señor deulle unhas fabas a cambio da vaca.
Cando chegou a casa díxolle a nai:
- Mira mamá un señor deume estas fabas a cambio da vaca.- E a nai díxolle:
- Ti estás tolo! Como se che ocorre cambiar unha vaca por unhas fabas?!- E tirounas ao xardín.
A mañá seguinte cando Jack se levantou, mirou pola fiestra e puido observar unha planta xigantesca e empezou a escalala. Cando chegou arriba mirou un edificio moi, moi raro, entrou e mirou un xigante que choraba e choraba. Jack un pouco asustado foi onda el e díxolle:
- Ola son Jack, por que choras?
- Ola eu son Rigoberto e choro porque non teño cartos, son pobre.
Jack quedou moi sorprendido de como era posible que unha persoa que vivía nun edificio tan grande fose pobre. Jack marchou a súa casa e colleu unha bolsa de ouro da súa nai, un espello con diamantes e un colar de perlas, deullo ao xigante e díxolle:
- Toma isto, é para ti, é moi caro, a si poderás comer e vestir.
O xigante moi agradecido deulle un forte abrazo a Jack e díxolle:
- Non lle digas a ninguén que estou aquí e cando chegues abaixo corta a planta e desaparecerei para sempre.
No hay comentarios:
Publicar un comentario